ملف ملخص عن اللقافه

السلام عليكم شخباركم ان شاء الله بخير ..>>>اكيد بخير اشبصير يعني خلصي

المهم

في حياتنا الممله .. نسمع الكثير من الكلمات .. ولكن في بعض الكلمات تمر علينا بشكل شبه يومي .. مثل .. الل************ ,, الرخمه ,, النشبه ,, الملقوف .. و و و .. لكن نوقف عند اخر كلمه واللي هي الملقوف .. ونشرح لكم هالكلمه اللي ينطوي تحتها بحور من المعاني !!

وفي المواضيع الجاية أنشالله راح نتكلم عن الرخمة والل********ة والنشبة

نرجع لمحور حديثنا { تعريف الملقوف}

اللقاقه لغة : كلمه عادة ما نرددها ونستخدمها من ضمن مصطلحاتنا اليوميه

مصطلح اللقافه : هي كلمة نقصد فيها الشخص الذي يتدخل في امور لا تعنيه ويريد معرفة كل شى

والمطلوب في اختبار الفقة التعريف لغة .. واذا تبون ملخصات ارموآ الفلوس


مثال :

قالو لآحد الملاقيف نبي نعطيك نصف الكرة الأرضية ؟


رد الملقوف طيب النصف الثاني لمين !!





درجات اللقافة :

يبلغ المرء ذروتها وتسمى هذه الدرجة ( الشفاحة ) ، وتختلف درجة اللقافة بحسب اهتمامك باللي عند الغير ، فمثلاً لو ( شفت ولد جآركم الطفرآن واقف عند البيت وعنده سيارة جديدة )

ف أول شيء راح يدور في بال الملقوف !! من له هالسيآرة

ولكن هالاهتمام يخف اذا ما كنت تعرف ساكن البيت وحالته المادية .

وترتفع درجة اللقافة في القرى عنها في المدن ، إذا أن نظرية التناسب الطردي تنطبق هنا ، فكلما أوغل الإنسان في الجهل .. .. وصارت هالدمجة ( تخرفش ) ولم تستعمل إطلاقا فيما يفيد ، فهذا مؤشر إيجابي لارتفاع درجة اللقافة .

فوائد اللقافة :


1 مصدر معلوماتي ( خطير ) جدا يؤمن لك المعلومة بأيسر السبل ، ومن اللقافة تطورت وسائل نقل المعلومات العلمية ووكالات الأنباء ، وما مراسلو وكالات الأنباء إلا ملاقيف ( لهم رواتب على عملهم )

اذاً ,, اذا جاك سؤال في اختبار الحآسب .. !!

ليه ضللت النص .. كل هذي شفآحه ( من اشد انواع اللقافة خطورة ) بس ما اقول الا الضرب في الميت ****

س " علل // تطورت وسائل نقل المعلومات العلمية في القرى ؟

راح تكتب وبدون لا تاخذ وقت كثير ولا تتعب حالك ..

ج / لانهم ملاقيف مثلك

نرجع ونكمل فوائد اللقافة


2 تشعر بسعادة غامرة ونشوة فرح كبرى تسيطر على مشاعرك .... اذا حصلت اشياء دقيقة وصغيرة تخص غيرك

3 الشعور بالعظمة والكبرياء وإشباع غرور النفس ، وذلك حينما تعرف بأسرار الناس ، فتشعر بأن كل مالديهم أنت على معرفة به .

4 اذا عرفت اسم الشخص صاحب اليوزر معك في المنتدى ، تصبح تتلاعب بمشاعره ( وتذب عليه ... )



أضرار اللقافة :

1 قال صلى الله عليه وسلم من حسن إسلام المرء تركه مالا يعنيه ..


2 تنحرق أعصاب الملقوف وخاصة المشافيح اذا ما حصلوآ على المعلومة باسهل الطرق


3 اللقافة أعضم من الحبوب والمخدرات !! ( علل ) لان الملقوف اذا قآل اللي لقطه راح يزيد عليه من الكلام وتنفتح عنده الشهية وبالاخير يسبب له عدوان مع عيال الجيران


4 اللقافة النسائية من أشد أنواع ( اللقافة فتكاً ) .. ولنا في قصة الشريب بزة خير مثال


5 قد تنهي اللقافة حياة صاحبها ... فمثلا لو شاف الإنسان حادث في الطريق الثاني من الخط ... ( ودق فرامل ) ونزل من سيارته بيتفرج ..والا يطآلع طريقه .. يمكن يصدم .... وكثير ما حصل ...


6 اللقافة قد تتسبب في خسائر مادية ... اذا شريت أي جهاز ولا تعرف تستخدمه .. وقمت تعبث فيه .... وخرب فهذي من ثمار اللقافة .




لقافة على خفيف :

1 الواحد اذا جلس في سيارتة عند باب قصر أفراح يحتري زوجته وإلا أمه ، وطلعت حرمه .. ما تلاحظ أنه بيقزها ويتابعها إلين تركب في السيارة ....... لية ..( ؟ ).. لقافه

2 اذا طلعت عند بابكم وجارك فاتح الشنطة وينزل منها مقاضي تلقاك لاشعوريا ... تمد رقبك وتصر عيونك .. ودك تعرف وش في هالأكياس ...... برضو لقافه ...

3 دق الجوال على خويك وكلم وبدا يضحك ... وانتهت المكالمة وأنت ماعرفت ( اللي يكلم ) تنحرق ودك تعرفه ليه ...... لقااااافة

احيانا يصير قدامي ممكن وحدة اشوفها طالعة وتقول بس انا اطنش ليش اقعد اطالع فيها واسئلها ليش اسحب عليها واخليها الا اذا كان شئ يعني ممكن ينفعي مثلا يتكلمون عن حاجة بتصير لازم ما نروح المدرسة وما دام فيها ذكر انا مانروح المدرسة فالله الله بالاذن اسمعي ايش يقولون هههههههههههه ادري اني مطولة بس شكرا عالموضوع الاكثر من رائع

بصراااااااااااحه مووووووووووووووضوع جميل جدا ومهم بنسبه ليا

وترى اللقافه تسبب استمتاع بطرررررريقه رااائعه وانا انصح الجميع بها

يسلمو ع الموضوع الحلو

صدقتي يا تووولي ماااااااااااااافي احلى من اللقافه استمتاااااااااااااااااااع مو طبيعي

يسلمو ع الموووضوع الحلو ولا تحرمينا من جديدك